EnglishGaeilge
Mandarin
Polish
Bagairtí
Ceangaltán Mailíseach Ríomhphoist
Bealach iad ceangaltáin ríomhphoist inar féidir le seoltóir comhaid a tharchur chuig úsáideoir eile trí ríomhphost. Ar an mbealach céanna a thagann dramhphost do dhoras isteach sa bhaile, faigheann úsáideoirí ríomhphost ríomhphoist gan iarraidh ó sheoltóirí anaithnid go rialta. Is gnách go gcuimsítear sna ríomhphoist seo naisc le láithreáin gréasáin mhailíseacha nó go mbíonn ceangaltáin leo ina gcuimsítear bogearraí mailíseacha.
Conas a aithnítear é?
Is gnách go bhfaightear ceangaltán rathúil nó mailíseach ríomhphoist ó sheoltóir anaithnid. In go leor cásanna, bíonn “tairiscint speisialta aonuaire” le sonrú i líne an ábhair nó “glao chun gníomhartha” leis an bhfaighteoir a mhealladh chun an ceangaltán a oscailt.
Cén baol a chruthaíonn sé?
Má osclaíonn tú ceangaltán mailíseach d’fhéadfadh sé líon rudaí diúltacha a dhéanamh, ar nós logálaí eochrach a shuiteáil chun d'eochairbhuillí a thaifeadadh, víreas a shuiteáil, nó fiú rochtain a thabhairt d’ionróir ar do ríomhaire.
Má tá tú in amhras gur chliceáil tú ar cheangaltán mailíseach:
• Dínasc an ríomhaire den idirlíon láithreach.
• Déan do ríomhaire a scanadh le bogearraí Frithvíris.
• Ná hionchur aon fhaisnéis íogair isteach sa ríomhaire nó go bhfuil an scanadh Frithvíris críochnaithe.
Conas is féidir liom an tarlú seo a sheachaint?
• Is é táirge Frithvíris a choimeád suiteáilte agus cothrom le dáta an chosaint is fearr i leith ceangaltáin mhailíseacha.
• Mar riail ghinearálta, ba cheart duit gan ceangaltan riamh a chliceáil nó a oscailt a bhfuil tú in amhras air, faoi chúinse ar bith, fiú más ó dhuine a bhfuil aithne agat orthu atá sé.
Noda Áisiúla
• Bí in amhras ar aon cheangaltáin ríomhphoist ó fhoinsí anaithnid nó ag a bhfuil tairiscintí ar a bhfuil dealramh ró-mhaith.
• Ná hoscail riamh ceangaltán ríomhphoist nach bhfuil tú cinnte faoi.
• Coimeád clár Frithvíris suiteáilte agus cothrom le dáta.
